ATAA və “Georgian Wings” aviaşirkəti əməkdaşlıq imkanlarını müzakirə edib
İki tərəfli əməkdaşlıq əlaqələrinin inkişafı perspektivləri Azərbaycan Turizm Agentlikləri Assosiasiyasının İdarə Heyətinin sədri Göydəniz Qəhrəmanovla Gürcüstanın “Georgian Wings” aviaşirkətinin satış direktoru Lali Beshkenadze arasında keçirilən işgüzar görüşdə müzakirə olunub.
Görüşdə Assosiasiya sədri qurumun fəaliyyəti,
ölkənin turizm sənayesinin inkişafında rolu, üzvlərinin sayı haqqında ətraflı məlumat
verib.
Müzakirələr zamanı ATAA və “Georgian
Wings” aviaşirkəti arasında birgə iş birliyinin formalaşdırılması, turizm əlaqələrinin genişləndirilməsi, turist cəlbediciliyinin artırılması məqsədilə tanıtım və təbliğat tədbirlərinin təşkili, eləcə
də qarşılıqlı
infoturların həyata keçrilməsi, üzv şirkətlərlə tərəfdaşlıq əlaqələrinin inkişafı,
qiymət siyasətinin tənzimlənməsi və digər məsələlər ətrafında fikir mübadiləsi
aparılıb.
Qeyd edək ki, Gürcüstanın “Georgian Wings” aviaşirkəti
həftədə 5 dəfə olmaqla Tblisi -Bakı-Tblisi reysləri üzrə uşuşlar həyata keçirir
