Əməkdaşlıq əlaqələrinin inkişaf perspektivləri və birgə iş birliyinin formalaşdırılması məsələləri Azərbaycan Turizm Agentlikləri Assosiasiyasının (ATAA) İdarə Heyətinin sədri Göydəniz Qəhrəmanovla Air Astana Hava Yolları şirkətinin Qafqaz regionu üzrə baş meneceri Kamilə Zailaubayeva və şirkətinin Azərbaycan üzrə rəsmi nümayəndəsi Deulet Yerkenule arasında keçirilən işgüzar görüşdə müzakirə olunub.
Görüş
çərçivəsində aviaşirkət nümayəndələri Azərbaycan Turizm Agentlikləri
Assosiasiyasının fəaliyyəti, turizm sənayesinin inkişafındakı rolu, üzvlərinin
sayı haqqında məlumatlandırılıb.
Müzakirələr zamanı ATAA ilə Air Astana şirkəti arasında qarşlılıqlı biznes əlaqələrinin genişləndirilməsi, B2B formatlı görüşlərin keçirilməsi, təcrübə mübadiləsinin aparılması, sağlamlıq və müalicəvi turizmin inkişafı, ATAA üzvləri üçün qiymət siyasətinin tənzimlənməsi, eləcə də aviauçuşların sayının artırılması, Azərbaycan üzərindən 3-cü ölkələrə uçuşların təşkili məsələləri ətrafında fikir mübadiləsi aparılıb.
Qeyd
edək ki, hazırda həftədə 3 dəfə olmaqla Air Astana şirkəti Astana-Bakı-Astana
reysi üzrə uçuşlar həyata keçirir.Qazaxıstandan gələn turistlərin sayı isə cari
ilin yanvar-may ayları üzrə 5274 nəfər təşkil edib ki, bu da Mərkəzi Asiya ölkələrindən
gələn əcnəbi qonaqların sayı baxımından böyük bir hissəsini əhatə edir.
