ATAA-nın gəlmə turizmi ilə məşğul olan 40-dan artıq üzvü Orta Şərqdən ( Qətər, Oman, Bəhreyn, Səudiyyə Ərəbistanı, Küveyt) olan 25 turizm şirkəti ilə işgüzar görüş keçirib.
Azərbaycan Turizm Bürosunun təşkilatçılığı ilə baş tutan görüş çərçivəsində turizm əlaqələrinin inkişafı və tərəfdaşlığın genişləndirilməsi, birgə turizm paketlərinin və cəlbedici marşrutların yaradılması, ortaq marketinq kampaniyalarının hazırlanması, eləcə də qrup turlarının təşkili, tanıtım materiallarının mübadiləsi, səmərəli qiymət təkliflərinin formalaşdırılması müzakirə olunub.
Həmçinin Orta Şərq turistlərinin mədəni və dini tələblərinə uyğun xidmətlərin göstərilməsi, hədəf bazarlarının tələblərinə uyğunlaşdırılmış məhsulların hazırlanması, o cümlədən müştəri məmnunluğunun təmin olunması və digər məsələlər ətrafında fikir mübadiləsi aparılıb.
