Azərbaycan Turizm Agentlikləri Assosiasiyasının gəlmə turizmi ilə məşğul olan bir sıra üzvü Türkiyənin Azərbaycanda səfərdə olan 6 turizm şirkəti ilə işgüzar görüş keçirib.
Azərbaycan Turizm Bürosunun təşkilatçılığı ilə baş tutan B2B formatlı görüşdə ATAA üzvləri iş birliyinin genişləndirilməsi, birgə turizm layihələrinin formalaşdırılması, türkiyəli türistlər üçün mövsümi təkliflərin hazırlanması, təcrübə mübadiləsinin aparılması,eləcə də qrup turlarının təşkili, əməkdaşlıqda uyğun qiymət siyasətinin formalaşdırılması müzakirə olunub.
Həmçinin turist cəlbediciliyinin artırılması məqsədi ilə mədəni və turizm yönümlü tədbirlərin təşkili, müştəri məmnunluğunun yüksəldilməsi, qastroturizm imkanlarının tanıdılmasına dair fikir mübadiləsi aparılıb.
