Freeway Travel şirkətinin təşkilatçılığı ilə işğaldan azad olunan Qarabağ bölgəsinin Xankəndi və Şuşa şəhərlərinə infotur təşkil edilib.
İnfoturun məqsədi Qarabağ bölgəsinin turizm potensialı və məkanları ilə yaxından tanış etmək, aparılan yenidənqurma və bərpa işləri haqqında məlumatlandırmaq, həmçinin bu regionda turizmin inkişafına dəstək olmaqdır.
2 günlük səfər çərçivəsində infotur iştirakçıları Ağdam Cümə Məscidi, Xocalı Hava Limanı, Əsgəran Qalası, Xankəndi şəhər mərkəzi, o cümlədən Şuşa qalası, Cıdır düzü, Molla Pənah Vaqifin muzey-məqbərə kompleksi, Güllələnmiş heykəllər, İsa bulağı ilə tanış olub Yuxarı Gövhər Ağa Məscidini ziyarət ediblər.
