İclasda çıxış edən ATAA-nın sədri Göydəniz Qəhrəmanov İdarə Heyəti üzvlərinə son iki ayda Assosiasiya tərəfindən həyata keçirilə işlər, aparılan görüşlər, üzvlər tərəfindən qaldırılan məsələlərə dair görülən tədbirlərlə bağlı məlumat verib, yay mövsümü ərəfəsində ölkənin turizm bazarının vəziyyəti müzakirə olunub.
Toplantıda Gəlmə və Getmə Turizmi Komitələrinin, Avialogistika və Peşəkar Turizimçilər Komitələrinin, o cümlədən Nizam İntizam Komissiyasının üzvlərinin, Turoperatorlar üzrə işçi qrupunun nümayəndələrinin siyahısı təsdiqlənib. Həmçinin Beynəlxalq Şöbənin rəhbərinin və Sədrin yeni müşavirinin təyinatı İdarə Heyəti tərəfindən dəstəklənib.
Bununla yanaşı ATAA-nın tabeliyində Daxili Turizm Komitəsinin, Turistlərin Maarifləndirilməsi Şöbəsinin, Regional Nümyəndəliklərin və Təşəbbüs Qrupunun yaradılması təklifi İdarə Heyəti tərəfindən müsbət qarşılanıb və yekdilliklə qəbul olunub.
Toplantının sonunda ATAA-ya ünvanlanan yeni üzvlük müraciətlərinə baxılıb. İdarə Heyəti tərəfindən aparılan müzakirələrin nəticəsində şirkətlərdən daxil olan 19 müraciətdə 14-ü ilə bağlı müsbət qərar verilib, 5 müraciət Assosiasiyanın üzvlük standartlarına cavab vermədiyi üçün məqbul sayılmayıb.
ATAA
