7-13 noyabr tarixlərində Dövlət Turizm Agentliyinin tabeliyindəki Azərbaycan Turizm Bürosu tərəfindən Belarus Respublikasının 10 aparıcı turizm şirkətinin nümayəndəsi üçün tanışlıq səfəri təşkil edilib.

İştirakçılar Azərbaycanın qış turizm imkanları ilə, o cümlədən “Şahdağ” Turizm Mərkəzi və “Tufandağ” Qış-Yay Turizm İstirahət Kompleksində təqdim olunan xidmətlərlə tanış olublar, Qusar və Qəbələ ilə yanaşı, İsmayıllı və Quba bölgələrinə səfər ediblər.

Tanışlıq səfəri çərçivəsində, həmçinin yeni tərəfdaşlıqlar qurmaq və Azərbaycanı cəlbedici turizm destinasiyası kimi tanıtmaq məqsədilə 40-dan çox yerli turizm sənayesi nümayəndəsi ilə Belarusun turizm şirkətləri arasında B2B görüşlər keçirilib.

Görüşdə Azərbaycan Turizm Agentlikləri Assosiasiyasının üzvləri ilə Belarus turizm nümayəndələri arasında əməkdaşlıq imkanlarının genişləndirilməsi və iş birliyinin qurulması istiqamətndə müzakirələr aprılıb,turist səfərlərinin sayının artırılması baxımından fikir mübadiləsi edilib.

Qeyd edək ki, 2025-ci ilin 10 ayı ərzində Belarus Respublikasından Azərbaycana ötən ilin eyni dövrü ilə müqayisədə 3% faiz artımla 23. 229 ziyarətçi səfər edib.