Azərbaycan Turizm Agentlikləri Assosiasiysının İdarə Heyətinin sədri Göydəniz Qahrəmanov Nizam İntizam Komissiyasının, o cümlədən ATAA nəzdində fəaliyyətə başalayan yeni Turistlərin Maarifləndirilməsi Şöbəsinin və Təşəbbüs Qrupunun nümayəndələri, həmçinin İdarə Heyəti sədrinin yeni müşaviri ilə görüş keçirib.

Görüşdə 2026-cı il üçün nəzərdə tutulan prioritetlər, cari ilin iş planı, nəzərdə tutulan tədbirlər, turizm sektorunun inkişafına töhfə verəcək təşəbbüslər, o cümlədən ATAA sədri tərəfindən qarşıya qoyulan tapşırıqlar müzakirə olunub, təkliflər üzərində fikir mübadiləsi aparılıb.

Görüşdə çıxış edən Göydəniz Qəhrəmanov Turistlərin Maarifləndirilməsi Şöbəsinin fəaliyyətinin xüsusilə vacib olduğunu vurğulayaraq, yerli və xarici turistlərin hüquq və vəzifələrinin marifləndirilməsinin, onlar tərəfindən səyahət zamanı təhlükəsizlik qaydalarına riayət olunmasının və turizm şirkətləri ilə müqavilələrin bağlanılmasının vacibliyini diqqətə çatdırıb.

Bununla yanaşı üzv şirkətlər arasında etik qaydaların daha geniş təşviq olunması ilə bağlı Nizam-İntizam Komissiyasına müvafiq tövsiyyələr verib.

Görüşdə həmçinin Təşəbbüs Qrupunun təqdim etdiyi təkliflər dinlənilib, Assosiasiyanın fəaliyyətinin daha da təkmilləşdirilməsi və yeni layihələrin həyata keçirilməsi ilə bağlı fikir mübadiləsi aparılıb.