Azərbaycan Turizm Agentlikləri Assosiasiyasının Gəlmə Turizm Komitəsinin yay mövsümünə hazırlıq və ölkəyə turist axınının artırılması mövzusuna həsr olunan növbəti iclası keçirilib.
İclasda ölkənin gəlmə turizm potensialının artırılması və turizm xidmətlərinin keyfiyyətinin yüksəldilməsi məqsədilə xarici tərəfdaşlarla qarşılıqlı əlaqələrin inkişafı, hotel sənayesi, yerli və xarici hava yolları ilə, o cümlədən logistika şirkətləri və bələdçilərlə əməkdaşlıq əlaqələrinin genişləndirilməsi müzakirə olunub, ölkəyə gələn turistlərin sayının artırılması üçün koordinasiyalı fəaliyyətin vacibliyi diqqətə çatdırılıb.
Həmçinin Azərbaycanın əcnəbi turistlər üçün cəlbediciliyinin artırılması məqsədilə mövcud imkanlardan istifadə etməklə tanıtım kompaniyalarının keçirilməsi, yeni məhsulların və istiqamətlərin yaradılması ətrafında fikir mübadiləsi aparılıb.
İclasın yekununda bir sıra fikirlər və təkliflər səsləndirilib və qarşıdakı dövr üçün fəaliyyət planı müzakirə olunub.
ATAA
